Aan God die eer

with No Comments

Jy wat in jou gemak floreer,
gee jy nog aan God die eer?
Leef jy in die gerustheid dat jy glo,
maar intussen lyk jou vrugte nie so? (Jak 2:14)

Jy moet dringend weer leer:
Alles wat jy doen moet God eer.
As jou doelwitte enige iets anders is,
is jy besig om jou lewe te verkwis!

Ek is die wingerdstok en my Vader die boer
vrugtelose lote val verlore op die vloer…
Die wat goeie vrugte dra, snoei Ek reg
wie in My bly en Ek in hom, vind die ewige weg! (Joh 15:1-6)

As julle vrugte dra en as dissipels leer,
gaan dit oor tot my Vader se eer.
Bly in My liefde, jy wat hier lees,
dan sal jou blydskap volkome wees. (Joh 15:8-11).

God het Sy enigste Seun gegee
en wys Sy oneindige liefde daarmee.
So is ons as lote nie afgesny,
maar het die ewige lewe gekry! (Joh 15:12-14, Joh 3:16, I Pet 3:18, Gal 3:19-20)

Die ewige lewe wat ons wen
is om die enigste ware God te ken.
Jesus se vrug op aarde was tot God se eer
en so kon ons van ware liefde leer. (Joh 17:3-5, I Joh 2:15-17)

Jesus noem ons Sy vriend,
uitverkorenes, onverdiend!
Dis hoekom Hy nou vra
dat jy vir Hom vrugte dra. (Joh 15:15-16).

As jy dan moet liefhê soos Jesus jou Heer,
beteken dit eenvoudig jy moet God só eer
dat dié wat jou sien vrugte van vreugde dra
ook vir jou blydskap in Christus sal vra. (Fil 1:20-21, I Pet 3:15)

Die grootste liefde wat jy kan gee
vir dié een vir wie jy regtig omgee,
is om God die Vader so te eer
dat jou geliefde hom bekeer.

Jy moet jou gewoonte godsdiens laat staan,
jou vertroue op eie vermoëns laat gaan.
Wees weer werklik God se kind,
maar maklik sal jy dit nie vind…

Soos vir My gaan die wêreld jou haat,
jy gaan baie gerief moet agter laat… (Joh 15:18)
Almal wat toegewei aan My lewe
sal ook onder vervolging bewe. (II Tim 3:12).

Ons mag dalk nou uiterlik vergaan,
maar ons is oppad na ‘n nuwe bestaan.
Ons swaarkry gaan uiteindelik verby,
maar ons gaan die ewige heerlikheid verkry! (II Kor 4:16-17)

Maar wees nie bang:
Jy sal die Gees ontvang.
Jy moet nou oor My getuig
so sal jy van blydskap juig. (Joh 15:26-27)

Moenie vir jou nuwejaarsvoornemens wag,
verander jou lewe nog vandag.
As God se eer jou hele fokus is,
sal jy nie nog een dag verkwis.

Links of regs?

with No Comments

Here, waar ek voor hierdie T aansluiting staan,
wil ek weet of ek links of regs moet gaan?
My Google maps waarsku my gewoonlik vooruit,
maar dit voel vir my ek kry nie ‘n antwoord uit U uit?

My seun, jy moet maar nog ‘n so rukkie daar staan,
want duidelik verstaan jy nie waaroor dit gaan.
In jou eie planne is jou linkerfliggerlig al aan,
maar jy gee voor dat jy My wil net ook wil verstaan…

Jy wil nou soos die taxi’s al oor die rooi lig ry,
en voorgee jou keuse kom dan van My.
Jou probleem is hierdie keuses gaan net oor jouself –
Ek wil dat jy eers nog veertig dae in My Woord delf.

As jy tot stilstand kom sal jy verstaan
dat alles eintlik net oor My eer gaan
Wees tevrede en bly net hier staan
en help die soekendes wat verbygaan.

As jy uiteindelik My grootheid sien
sal jy besef dat jy niks verdien.
Soos die blindheid dan verdwyn
sal ‘n klomp nuwe opsies verskyn.

Sien jy die verwaarlose huis op die hoek?
Daar is ‘n bejaarde tannie wat jou hulp soek.
Sien jy die die kring mense daar onder die boom?
Hulle bid vir voorvaderverskyning in ‘n droom.

Die magdom werk hier by die kruising
is juis vir julle, skyn Christene, ‘n vinger wysing,
want julle broei jullselfs warm,
maar julle is geestelik arm,

Sien jy die voetpaadjjie wat voor jou die berg uit kronkel?
Laat staan jou aircon kar en stap met oë wat vonkel.
Soek biddend elke oomblik hoe Ek jou wil leer
om van nou af alles te doen tot My eer.

Wêreldbeker, die hoop is seker

with No Comments

Ons sien soms net die struikelblokke raak,
maar vir Cheslin maak hulle nie saak.
Vir sy geneesde enkel kry God die eer
en kan kan niemand sy systap keer!

Die eindfluitjie blaas – wat ‘n gejuig!
Cheslin het onmiddelik neergebuig.
Siya omhels hom toe ook daar
Nie almal het dié gebed gewaar…

Niemand het dit uitgewys
maar Siya soen die kruis

Ons het ‘n regtig ‘n stukkende land,
maar Siya skryf “Jesus” op sy band:
In eenheid het sy span gespeel
en in die wenonderhoud hoop gedeel.

En jy? Maak jy nog tyd
om in jou daaglikse stryd
God vir alles te eer
Sak jý nog op jou knieë neer?

Alweer…

with No Comments

Ek het so hard probeer,
maar toe doen ek dit alweer…
Keer op keer
buig ek voor afgode neer…

Die eerste een is baie sterk.
Die afgod se naam is: “Werk”
As ek weer sien
is dit sukses wat ek dien…

Die een waarvoor ek die meeste swig
is dat ander my in erkenning uit moet lig.
Vreugde vir ander se suskes
gee voor my selfsug bes…

Nog een wat my vreeslik vas kan hou
is dat ek so maklik op myself vertrou,
in plaas van om in afhanklikheid te groei
as ek met beproewings moet stoei.

En word my bankrekening meer,
wil ek net nog goeters begeer
en sien ek op ander neer.
Mammon word so my heer.

Die een wat my so lekker sus,
is my idee oor wat goeie dade is.
As ek dink ek kan God se guns kan verdien,
het ek alweer dié afgod nie raak gesien…

Ai toggie, afgod “kos”:
Ek kry hom nie gelos!
Ek eet my oppad na die dood
intussen is daar lewende Brood.

Selfdissipline kan my net sover vat
as ek nie besef Jesus is my grootste skat,
sal ek bly sê: Alweer,
nie God se eer.

O God, open my oë om te sien
die verlossing wat ek nie verdien.
Ek glo U het my afgodery vergeef
U gaan my vir ewig laat leef:

Werk om skatte in die hemel op te gaar.
Vreugde om ander Jesus te laat ervaar.
Vertroue op God al gaan dit swaar.
Goeie werke want ek is dankbaar.

U is die een wat ek begeer:
Uitbundige vreugde om van U te leer
Niks wat U nie beheer!
Aan U kom toe alle eer!

Alweer?
Nog ‘n keer
net U eer,
alweer!

Sien en verdien

with No Comments

‘n Wêreld se leë gesoek
afgebeeld op Facebook.
‘n Geblaai om te sien
of ek ‘n “like” kon verdien.

‘n Ruimte wat net die beste kant wys.
‘n Voorgee al is alles nie pluis.
‘n Plek waar almal kan sien
wat se lof ek nou weer verdien…

Die “Ek” lewenskuns
wat jaag na meer wins.
Nuwe planne om te sien
of ek nog meer kan verdien.

Ek het mos hard gewerk
ook vreeslik besig by die kerk!
Selfs God sal kan sien
dat ek die ewige lewe verdien!

Daar is ‘n ander Boek
waarin jy moet soek.
Daar kan jy blaai en sien
wat beteken “verdien”.

‘n Ruimte waar jy in gebed
kan bely dat jy ‘n slegte kant het.
‘n Plek waar jy kan sien
‘n Tollenaargebed oor verdien.

Kry daar die “Gee” lewenskuns
met Christus se liefde as wins.
Planne om God se wil te sien,
waar jy niks vir jouself verdien.

Daar gaan dit nie oor jou werk,
eie verdienste of self jou kerk.
Want kan jy nie sien:
Jy kan niks self verdien?

Ja, die Boek wil jou wys
van Sy liefde aan die kruis
Daar sal jy die wonder sien
Jesus het dit vir jou verdien.

Kniel voor Hom in die sand
en hou uit jou bedelaarshand.
Glo die beloftes wat jy daar sien
al weet jy jy het dit nie verdien!

Offer Hande

with No Comments

Vader in die hemel, ons wil U eer!
U Hande het alles geformeer.
En selfs in die swaarste seer
bly U Hande nog altyd in beheer.

Maar die wêreldhande is vol sonde.
Vuiste laat bloeinde wonde
Hande streel ‘n ander se vrou
Hande steel sonder berou…

Armes se werkende hande is seer.
Party hande moes van bedel leer.
Oues se Parkinsons hande bewe.
Biddende hande soek ‘n beter lewe.

Van vreugde wil ons nou sing,
want U het die oplossing gebring:
Offer Hande aan die kruis
het U liefde vir ons kom wys.

U Gees wil nou ons hande gebruik
om te deel, die olie in ons kruik.
Ons hulp kan nie orals kom,
maar fokus op hoë ouerdom.

Julle wat julle ouers tuis versorg,
ja, ook vir julle is Hy die Borg.
Ons kan die ouderdomsiektes nie genees,
maar ons hande kan daar vir julle wees.

Ons wil vir julle biddende hande wees.
Ons hande wil vir julle kom lees.
Ons hande kan inkopies gaan doen.
Ons kan rumatiekhande kom soen.

Ons hande kan bel om spesialis hulp te soek.
Ons hande kan neerskryf wat julle ookal versoek.
Ons hande kan help optel vir die sit in die stoel.
Ons hande kan help met die bedwas se gewoel.

Waarskynlik kan ons nie kom heel,
maar ons wil ons vreugde kom deel.
Want dis Offer Hande aan die kruis
wat ons harte so laat bruis!

My oggend gebed

with No Comments

Dinge voel heeltemal uit beheer,
maar tog wys U dat U regeer.
Paniek en angs wil my binnedring,
maar vroeg oggend bly die voëltjies sing.
Alles wat ek alweer so self probeer
sit ek vanoggend voor U voete neer…

My juk is sag

with No Comments

Is die juk op jou nek swaar?
Vryf hierdie room dan daar.
Of laat ‘n vriend jou masseer,
terwyl jy die Woord leer:

My Woord is lewend en kragtig
en leer van God almagtig.
Dis ‘n tweesnydende mes waarmee Ek sny
met die doel om vir jou genesing te kry. (Heb 4:12-13)

Jesus het die uitnodiging gegee:
Kom na My toe en Ek sal rus gee.
Julle moet My juk probeer
en fokus om van My te leer.

Ek is sagmoedig van hart.
En verstaan jou smart. (Mat 11:29)
Ek vernietig bande wat jou bind
Ek breek jou juk, My kind.” (Nah 1:13)

Glo in God, glo ook in My –
so kan jy in swaarkry vrede kry. (Joh 14:1,27)
Wees dus bly as jy in My lyding deel:
Wederkomsvreugde maak jou heel. (I Pet 4:13)

Voor hierdie room op kan raak,
sien die las op ander skouers raak.
Bied aan om haar nek te masseer
of dit op sy eelt-hande te smeer…

So kan julle saam van God se liefde leer
en selfs in julle swaarkry leef tot Sy eer.
Wees reg om te antwoord as ander vra,
hoe jy dit regkry om jou juk só maklik te dra! (I Pet 3:15)

Gebed vir Topia

with No Comments

O Almagtige God en hemelse Vader,
dankie dat ons tot U kon nader
en saam in gebed kon vergader.

Dankie vir die afgelope week se taak
om in Potchefstroom dissipels te maak.
Vul die kursusgangers met U Gees
sodat hulle diensbaar vir U kan wees.

Wees met Johannes wat nou Zambië toe gaan.
Bewaar ook in dié tyd die kinders en Lizanne.
Laat Covenant College U teenwoordigheid smaak
as U, deur U dissipel, aan hulle harte raak.

Ons bid vir die tekorte in ondersteunende kerke.
Skenk U vir hierdie bediening arendsvlerke.
U wat die onmoontlike moontlik maak
ons vertrou op U vir Topia se saak.

Evangeliseer

with No Comments

Die mensdom is so sondig,
ek sal moet die Woord verkondig.
Ek berei deeglik voor
en kry ‘n saal vir die gehoor.

Alles lyk luuks en mooi:
Vrugbare grond om saad te strooi…
Vandag gaan ek hulle evangeliseer:
Dis tyd dat hulle hulle moet bekeer.

Mismoedig pak ek op –
dit was ‘n reuse flop.
Nie een mens het opgedaag,
my poging het nie geslaag.

O God, hoe het dit gebeur?
Ek wou hulle dan van U leer?
U het nie mense op laat daag –
hoe moet ek dit maak slaag?

Nee, my seun, hulle was daar
Jy het hulle net nie gewaar.
Die span wat die tee sou skink
se oë het van die Lig geblink.

Een man het gebukkend gevee,
maar daar was lof in elke tree.
‘n Paar het buite gedink dit lyk te mooi
en het gewag dat iemand hulle binne toe nooi.

Die een wat jou kar op moes pas
het gedink: Miskien nie sonder ‘n das…
Hulle was daar gewees,
gereed gemaak deur die Gees!

Maar jy moes eers leer:
Dit gaan oor Mý eer.
Kom terug na die aarde
en word iemand van waarde.

Rol dadelik jou moue op
en gaan bedien die brood en sop,
want hulle is buite besig om te sing
en lof en hulde aan My te bring.

O God, vergewe my: Ek is so sondig
Die besem man het U aan my verkondig
Die teeskink tannie se goeie raad:
Sonder U is ek tot niks in staat.

Vandag is my sonde vergewe
en ek begin ‘n nuwe lewe.
Vul my met U Gees
dat my dae na U wil sal wees.

Maak U my oë oop
vir hulle wat langs my loop,
dat ek kan evangeliseer
tot U wil en U eer.

1 2 3 4 5 6 7