Vrede in twintig-twintig

with No Comments

Ek kan self, en gaan alles beheer –
Die jaar twintig-twintig wil jou omkeer.

Die woeste jaar is amper verby:
Baie het die virus gekry.
Werkloosheid het toegneem.
Afsondering het baie vervreem.
Ander is wreed vermoor.
Party in brande alles verloor.

Paulus het self deur ‘n moeilke jaar gegaan,
en daarom moedig hy jou uit die tronk aan:

Wees altyd bly,
ja, bly in die Heer.
Die Here is naby.
Bid wat jy begeer.
Wees nie besorg,
smeek by jou Borg. (Fil 4:4-6)

Die vrede van God wat verstand te bowe gaan,
sal oor jou hart en gedagtes wag bly staan. (Fil 4:7)

Alles wat waar is,
alles wat edel is,
alles wat mooi is,
alles wat prysbaar is,
dit is wat in jou gedagtes moet wees.
God is by jou met sy Vredesgees. (Fil 4:8).

Ja, twintig-twintig, die jaar deur God beheer,
wil jou weer gebed, blydskap en vrede leer.

Blydskap en vrede wat alle verstand te bowe gaan (Fil 4)

with No Comments

Wees altyd bly,
ja, bly in die Heer.
Die Here is naby.
Bid wat jy begeer.
Wees nie besorg,
smeek by jou Borg. (Fil 4:4-6)

Die vrede van God wat verstand te bowe gaan,
sal oor jou hart en gedagtes wag bly staan. (Fil 4:7)

Alles wat waar is,
alles wat edel is,
alles wat mooi is,
alles wat prysbaar is,
dit is wat in jou gedagtes moet wees.
God is by jou met sy Vredesgees. (Fil 4:8).

Die lewens wedloop (Fil 3)

with No Comments

Ek beskou my bates as waardeloos op aarde.
Om Christus te ken oortref alles in waarde.
Ek los alles om Christus as bate te kry:
Deur in Hom te glo, spreek Hy my vry! (Fil 3:7-9).

My wens is om Christus te ken as kind,
die krag van sy opstanding te ondervind.
Ek stel my gewillig aan Sy lyding bloot
en deel aan die opstanding uit die dood! (Fil 3:10-11).

Ek maak my los van agter se verloor,
en strek my uit na die wenstreep voor,
sodat ek die hemels prys kan behaal,
waartoe God my geroep het en kom haal! (Fil 3:13-14)

Leef soos ligdraers (Fil 2)

with No Comments

Julle het die troos in Christus ondervind,
die aansporing van liefde as Sy kind
en die gemeenskap deur die Gees.
Daarom moet julle nou eensgesind wees. (Fil 2:1-2).

Julle moet Christus se gesindheid vertoon:
Hy kon goddelik in die hemel bly woon.
Hy het as slaaf aan die mens gelyk geword,
en deur die kruis verneder tot in die dood! (Fil 2:5-8).

Daarom het God Hom bo alles verhef,
sodat elke knie sou buig en besef:
Jesus Christus is die Heer,
tot God die Vader se eer (Fil 2:9-11).

Leef God se wil as verloste mense saam.
God maak julle daartoe gewillig en bekwaam.
Te midde van die ontaarde en korrupte mens,
dra My lig, ja, die Woord, uit. Dis My wens, (Fil 2:12-16).

Lyding deur die gelowige se bril (Fil 1)

with No Comments

Ja, hier in die tronk kry ek swaar,
maar ek kon die evangelie verklaar.
Die keiserlike wag is nou ook by die kerk
en my broers is in hul vertroue gesterk! (Fil 1:12-14).

Ek kan wel hier die doodstraf kry,
maar ten spyte daarvan is ek bly:
Want Christus is my lewenskuns
en om te sterwe is vir my wins. (Fil 1:21-22)

Jou lewe moet volgens die evangelie wees:
Eensgesind, standvastig, onbevrees.
Dis jou voorreg om in Sy diens te bly,
en ook om ter wille van Christus te ly. (Fil 1:27-29).

Filippense oorsig

with No Comments

Al wonder ek of lyding baat, (Fil 1)
en gee my lig amper mee. (Fil 2)
Al is die lewenswedloop swaar (Fil 3)
en is my blydskap nie altyd daar, (Fil 4)
Tog weet ek, ek is tot alles in staat
deur Hom wat my die krag gee. (Fil 4:13).