‘n Heilige lewe in die lig van die wederkoms (I Tessalonisense oorsig)

with No Comments

Die wil van God is dat jy heilig moet wees ( I Tes 4:3)
anders verwerp jy God en die Heilige Gees. (I Tes 4:8)
Ja, jy moet rustig lewe,
met jou eie sake jou strewe. ( I Tes 4:11)

Ek wil julle leer wat met ontslapenes gebeur,
sodat julle nie sonder hoop sal treur. (I Tes 4:13)
Jesus se sterwe kan jy net verstaan,
as jy ook glo Hy het opgestaan. (I Tes 4:14)

As julle die wederkoms trompette hoor, ( I Tes 4:16)
is julle die ontslapenes glad nie voor. ( I Tes 4:15)
Dié wat in Christus die dood kon ingaan
sal eerste weer daaruit op kan staan. (I Tes 4:17)
Die Here self sal uit die hemel daal
en die lewendes en dooies kom haal. (I Tes 4:17)

Onverwags kom die Here se dag
Ja, soos ‘n dief in donker nag. (I Tes 5:2)
As jy sê: “Alles is rustig en veilig nou”,
wag daar pyne soos vir ‘n swanger vrou. (I Tes 5:3)

Maar julle is mense van die lig
met geen duisternis in sig. (I Tes 5:5)
Wat Christus se verlossing vra,
is dat jy geloof en liefde dra. (I Tes 5:8)

Leef in vrede met mekaar.
Moenie kwaad wil vergoed.
Gee kleinmoediges moed.
en help die swakkes daar. (I Tes 5:13-18).

Bly ver weg,
van alles sleg (I Tes 5:22)
Julle moet nou dankbaar wees
en weerstaan nie die Heilige Gees. (I Tes 5:19).

Mag God se vrede julle raak
en julle aan Hom toegewyd maak,
dat julle onberispelik sal wees in Hom
waneer Jesus Christus weer kom! (I Tes 5:23)

Gebed: I Tes 5:16-22

with No Comments

Here, as ek 1 Tessalonisense 5 lees,
wil ek altyd in U bly wees.
Ek wil bid sonder ophou,
ja, Here vir almal wat U Woord oopvou.

Ek word nou vir hulle stil
soekend na U, O God se wil.

Help hulle om in dankbaarheid te berus.
Help hulle om nie die Gees te blus.
Laat hulle ondersoekend die goeie kry.
Laat hulle alle boosheid vermy.

Dankie, dat Ek hulle aan U mag opdra
en dat ek dit in Jesus se Naam mag vra.
Amen.