Eerstelyn pyn

with No Comments

Skreeuend kom die ambulans op die toneel:
Bloed, dood en chaos wat gelyk afspeel.
Keuses, prioriteite, instink en ervaring
bring die krisis tot hanteerbare bedaring.

Gefokusde oë agter masker monde
verstaan die implikasies van die wonde.
Soos die pasiënt se bloeddruk begin kwyn,
so ook die bloed se toevoer na die brein…

Hulle kry die bloeding nie gestop,
die hart hou ook op met klop.
CPR, skok en weer probeer
ervaring het dit omgekeer…

Terwyl hulle eie kinders tuis op hul wag,
hoor hulle snikkende kinders wat ongevalle wag.
In plaas om by die bedlampie Sneeuwytjie te lees,
skyn skerp teaterligte op bleek onblote vlees…

Die vegtende man op die tafel ken hulle nie,
maar erens vra ‘n dogter: “Ma, waar is pappie?”
Hulle enigste kennis van hom is die hart monitor se pieke en dale,
maar die seesand van die vakansie is nog op sy sandale…

Moeg kom hulle uit die teater,
met oë wat stil trane water.
Maar emosies moet wag vir later –
daar is ‘n nuwe krisis in die teater…

Kanker, kar ongelukke en organe wat gaan staan.
Infeksie, selfmoord en gruwelike verkragting.
O God, ons sukkel om die sondige wêreld te verstaan.
Die hele skeping sug in pyne van verwagting.

Here, hierdie eerstelyn mediese personeel
se opoffering sit vanaand hier in my keel.
Soms die vreugde van ‘n lewe uit die dood gered,
soms die blaam oor wat hul nog wou gedoen het….

Laat hulle vashou aan Jesus se lyde en sterwe
sodat hulle weet hulle sal die ewige lewe erwe.
Laat hulle die troosboodskap kry:
Jesus sal almal van die dood bevry.

Here laat hulle afhanklikheid leer,
want U is oral en altyd in beheer.
Selfs as hulle gewillige hande faal,
het U dit reeds vooraf so bepaal.

As ek na hulle opoffering kyk,
sien ek hoe ware liefde lyk.
Vul my ook so deur U Gees
dat ek soos hulle kan wees.

Hernu hul uit U Woord elke dag weer en weer
sodat hulle emosionele energie nie dreineer.
Gee dat, daar by ongevalle o Heer,
almal U Naam sal grootmaak en eer!

‘n Gebed oor Annette

with No Comments

O Almagtige Skepper Heer,
aan U kom toe al die eer!
U laat alles gebeur,
want U is in beheer.

Ek het vir ‘n laaste groet gegaan,
maar min het ek verstaan
dat deur hierdie daad
U ook met my wou praat…

U grootheid het daar ontvou
toe mense vertel hoe hulle onthou
van Annette, die onbaatsugtige vrou,
in haar diensbaarheid altyd getrou.

Ag, Here ek moet voor U bely:
Ek lewe glad nie soos sy…
U wil gaan by my verby,
want ek dink alles gaan net oor my!

Deur Annette wil U my leer
dis tyd om om te keer.
Sal U my vergewe?
Gee my ‘n nuwe lewe!

Dankie dat ek Annette kon ken.
Dankie vir al die siele wat sy kon wen.
Dankie dat sy so diep kon bemin,
veral vir Jofie en haar gesin.

Dankie vir wonderwerke in die verlede:
Alles voortvloeiend uit haar gebede!
Dankie dat haar liefdevolle luister
soveel mense gered het uit die duister.

O God ek wil tog van U vra
om my deur dié tyd te dra.
Ek is hier agter gelaat
sonder Annette se goeie raad…

My kind, deur My Gees
sal Annette by jou wees.
Jy sal haar in alles sien,
want so moet jy My dien:

Vat Annette se gegeurde tee:
Skink dit om vir ander te gee.
Vat die koppie aan die oor
en luister om ‘n ander se hart te hoor

As jy die Wilson toffie kou en kou:
Dis Annette se boodskap om aan te hou.
So sal jy weet Ek is getrou,
My beloftes is ook vir jou!

Voel alles om jou alleen en koud?
Drink Annette se Cream Soda float.
Dan sal jy weer onthou wat skeel:
Jy moet liefde met ander deel!

As moed besig is om weg te sak,
is dit tyd om weer te bak.
‘n Warm beskuit pas gesny,
getuig oor liefde van My.

Sien jy net die stukke van ‘n droom
Tyd vir arbeie en room!
Ek is altyd die kersie op die koek
vir die wat na My wil soek!

Soos sy, moenie een geleentheid mis
om ander met My Woord te sus,
want Ek wil hulle red
deur jou gebrekkige gebed!

O Almagtige Skepper Heer,
aan U kom toe al die eer!
Laat dit in my lewe gebeur:
Neem U van my beheer.

Sê vir Annette ek gaan haar baie mis,
maar stel haar ook dan gerus:
Sy het dié wonder vir my gedoen
om my weer met U te versoen!

Annette is weg

with No Comments

Annette is weg…
Lees ek reg?

Soos ‘n beskermde ma hen
het sy kinders vir God gewen.
Vele kuikens onder haar vlerk,
in haar gemeenskap en kerk.

Annette is weg,
dis vreeslik sleg.

By die werk, vir Jone, ‘n anker vrou,
wat in Clover storms almal kalm kon hou.
Op wie se werk uitset jy kon vertrou,
met liefde en deernis net vir jou.

‘n Dienende kneg,
Annette, is weg.

Jofie, ek weet dat dit jou skud,
want julle het so saam gebid.
Dogters, ek weet julle probeer verstaan
hoe julle sonder haar aan kan gaan…

Dis vreeslik sleg:
Annette is weg!

Maar Anette wil dat ons hoor
hoe pragtig sing ‘n engele koor.
Sy wil dat ons kan berus
omdat sy op ‘n beter plek is.

Gees kom heg
Anette is weg…

Towel of love

with No Comments

A small towel especially for you
as reminder: God will come through.
He will turn every heartbroken “Why?”
into an exclamation: “On Me you can Rely!”

When hardships make you sweat,
make your towel soaking wet.
On the back of your neck it will sooth –
Soon your road will feel smooth!

When sorrows blur your view unclear,
use your towel to gently dry a tear.
Soon your hope will restore
and you will laugh more and more.

On this towel you should kneel
to pray and share what you feel.
As you trust Him more and more,
you will hear the answer: “I restore!”

When you travel take it along –
It turns sorrows into song,
because it wants to remind:
Your God is one of a kind.

As soon as you do not ask “Why, why?”,
another towel is what you should buy.
This message is meant to share
to suffering friends in need of loving care.

On all our towels together we kneel,
asking God to help and to heal.
For every crisis we share,
we know God is there.

I give you this towel of love
with a message from above:
Whenever you want to ask “Why?”,
remember on God you can rely!

Gaviscon?

with No Comments

Ek sien hom in die gang afloop
om ‘n bottel Gaviscon te koop.
Daar is ‘n ander kuur
vir die borrelende suur…

Dit is opvallend die laaste ruk
hoeveel mense is verstrik.
Ek sien dit weer en weer:
Baie mense is gefrustreer.

Daar is groeiende woede
in die massas se armoede.
Hulle emosie groei saam
om die verlede te blaam.

Susan kon nie leer
nou is sy net ‘n klerk
en doen frustrerende werk –
sy kon soveel meer…

Thabisa is in ‘n pos wat hy nie kan hanteer:
Regstellend ingesit al het hy nie kwalifiseer…
Sy moed wil hom begeef
want alles rondom hom loop skeef.

Verlief was hulle in die eg verbind,
maar hulle kon mekaar nie vind.
Hulle het te veel baklei
en is toe maar geskei.

Klara voel so vasgevang.
Vir alleen wees is sy bang…
Sy sal in die verhouding bly
al moet sy van binne ly.

Gerhard is glad nie gesond:
Die kanker maak ‘n lelike wond.
Hy lê daar terminaal
in die kille hospitaal.

Jako het alles wat sy hart begeer
Die geld word net meer en meer.
Meer bates as wat hy kan hanteer,
maar sy ouers se liefde makeer…

Karel voel so goor,
hy het sy werk verloor.
Hy kon nie die rekeninge betaal:
Nou het hulle sy goed kom haal!

Die een is te rond.
Die ander is nie gesond.
Nog een probeer ophou rook
en ‘n ander moet die boeke kook.

Dwelms.
Skelms.
Jaloesie.
Pornografie.

Dis so ‘n rou maagseer.
Rennies help net nie meer.
Dis hoekom hy loop
om Gaviscon te koop…

In hierdie moedelose uur
wil Ek ‘n boodskap stuur.
Daar is ‘n ander kuur
vir die borrelende suur:

Hou op om ander te verwyt
Gee jouself daaglikse stiltetyd.
Hoe meer jy My Woord lees,
hoe meer werk My Gees.

Jetro het Moses geleer
hoe om werk te delegeer.
Hy moes anders prioritiseer
sodat hy kon fokus op wat Ek leer.

Gideon moes manne minder maak
want die geveg was net My taak.
Al voel jy glad nie sterk
onder jou is My arendsvlerk.

Hoe meer jy lees sal jy verstaan
of Ek jou roep op ‘n ander baan
en of jymaar net daar moet bly
en nog verder hierdie stryd stry.

Sara moes negentig jaar wag
voor sy haar seun verwag…
Jy moet begin om te vertrou
dat Ek my beloftes sal hou.

Paulus was nie meer jonk
en het swaargekry in die tronk.
Juis toe het Ek hom van binne gedryf
om vir die Fillipense ‘n brief te skryf.

Daar in My Woord sal jy kry
Fillipense vier se “Wees bly!”
Daar lees jy van ware gebed
en wat se krag dit het!

Lees die hele hoofstuk deur.
Ja, lees dit weer en weer…
Jy sal dan die vrede verstaan
wat alle verstand te bowe gaan!

Jy wat so op jou eie stry,
jy kan die blye boodskap kry.
My Seun het vir jou gely…
Jy is reeds van alles bevry!

In Handelinge kan jy lees
van die uitstorting van die Gees.
Dis hoe Ek nou by jou kan wees
as jy maar net bietjie meer wil lees…

En as My wil is dat jy die pyn moet verduur,
My Woord verkondig: Daar kom ‘n uur!
Voor jou moed jou sal begeef,
kom haal Ek jou om by My te leef!

As jy dit begin verstaan,
begin dinge anders gaan.
Al het jy min, begin jy gee.
Al voel jy druk, sê jy nee.

Jy doen moeite om te luister
as jou geliefdes vir jou fluister.
Jy sien raak wie is broos
want jy wil hulle troos.

Vir die wat nie genoeg kan drink,
wil jy My lewende Water skink.
Vir die wat van honger kwyn
bring jy die Brood te voorskyn.

So jy wat in die gang afloop
om ‘n bottel Gaviscon te koop.
Daar is ‘n ander kuur
vir die borrelende suur…

Arendsvlerke

with No Comments

Raak jy moedeloos in jou taak?
Dink jy God sien jou nie meer raak? (Jes 40:27)
Voel dit of jy net verloor?
Het jy dan nog nie gehoor: (Jes 40:28)

Die Here is van ewig af daar.
Hy skep in sewe dae klaar.
Moegheid raak Hom nie aan.
Sy insig kan jy nie verstaan! (Jes 40:18-29)

So kry arendskind hul vlieg se les:
Ma arend skop hul uit die nes!
Vladderend val hul na benede,
angsbevange oor die krisis in die hede.
Met groot vlerke oopgesprei,
kyk ma arend of hule dit reg kan kry.
As hulle te erg tuimel van die bang,
kom sy onder hul in om hul te vang.
Soos ‘n arend sy kuikens op vlerke dra,
netso sal Hy jou leer as jy Hom vra. (Deut 32:11-12)

Hy gee die vermoeides krag,
Hy versterk dié wat op Hom wag.
Hulle word nie moeg gewerk,
want hulle vlieg met arendsvlerk. (Jes 40:30-31)

Die draak wou haar verslind,
Die vrou, met die verlosser Kind.
Ja, die vrou, simbool van die kerk,
kon wegvlieg met sterk arendsvlerk. (Op 12:13-14)

Raak jy moedeloos in jou taak?
Dink jy God sien jou nie meer raak? (Jes 40:27)
Weet dan God is besig om jou vlerke te versterk,
om staande te bly teen Satan se werk.

Die Dokters voorskrif

with No Comments

Laat jou dokter stem hoor
soos ‘n ramshoringskoor.
Wys my volk hoe hulle oortree,
jy moet hulle ‘n lys van hul siektes gee: (Jes 58:1)

Na My wil vra hulle elke dag
asof hulle wil weet wat Ek verwag.
Hulle gee die heeltyd voor
dat hulle doen wat hulle hoor.
Hulle vra My om oor sake te beslis,
maar vir My teenwoordigheid is hul nie lus. (Jes 58:2)

“Voor Ek jou ‘n voorskrif gee,
deel my jou simptome mee.”
“Ons vas dan, so ons kan nie verstaan
hoekom hoor God nie en gee aandag daaraan?” (Jes 58:3)

Op die vasdag doen julle wat julle wil
en word julle werkers met ekstra werk verkul.
Julle vasdae word ‘n rusie en baklei,
verwag julle om so antwoord op gebede te kry? (Jes 58:3-4)

Hier is My dokters voorskrif vir jou
só lyk die vas waarvan Ek hou: (Jes 58:5)
Die eerste voorkrif wat jy kry,
is om ander te leer van My:

Die beginpunt om jou eie hart weer te verbly,
is om die juk van ander se skouers af te kry: (Jes 58:6-7)
Julle moet hulle van My sagte juk leer –
hulle vreugde sal na jou toe terugkeer. (Mat 11:29)

Die tweede voorkrif wat Ek gee,
is dat jy jou oorvloed weg moet gee:
Om brood aan hongeres te voorsien,
blyplek aan die wat nie genoeg verdien. (Jes 58:6-7)

Klere vir die wat nie klere het nie,
‘n hart van omgee en simpatie.
Om niemand meer te verdruk,
maar wees in hul nood self ‘n kruk. (Jes 58:9-10)

Die derde voorskrif is vir die oggend vroeg,
ook in die dag, kry daarvan genoeg:
Deur verhorende gebed sal Ek begenadig.
As jy bid sal Ek jou versterk en jou siel versadig.
Die Gees sal stromende water in jou opwel
en deur jou sal Ek die stad en mense ook herstel. (Jes 58:9, 11-12)

Die vierde voorskrif wil jou leer:
Hou weer Sondag tot My eer.
Bly weg van jou gewone deugde,
maak dié dag weer jou vreugde.

Hou op met handel dryf vir ‘n slag
en respekteer dit as ‘n heilige dag.
Dan sal jy weer in My vreugde vind
en so sal Ek jou herstel, My kind (Jes 58:13-14)

Deur jou donker breek die lig se rooidag:
Ek sal jou herstel en gee jou weer My krag.
Ek sal nou voor jou uitgaan
en kom ook agter jou aan.

Soos wat jy My herstel beloftes kry –
Onthou: Gesond word kan jy nie verdien.
Laat almal jou nuwe gesindheid sien:
Vir alles gee jy nou die eer aan My. (Jes 58:8)

Die Kolosse sirkel (Kol 1: 9-12)

with No Comments

Die binneste geloofsgroei sirkel:
Ek bid dat julle God sal leer ken
en deur die Gees, wysheid en insig wen,
sodat julle tot eer van God sal lewe,
en na die vrug van goeie werke strewe.

Die buitenste geloofsgroei sirkel:
Mag julle in kennis bly groei
en krag kry om volhardend te stoei.
Wees oor jou erfenis, wat wag, bly
en laat dit tot ‘n dankbaarheidslewe lei!

Kolossense oorsig

with No Comments

Die uitnemendheid van Christus (Kol 1)
Deur die Seun sien ons God se beeld raak,
God het deur Hom alles gemaak.
Voor alles was Hy daar,
en Hy hou alles bymekaar. (Kol 1:15-16)

Hy is hoof van die liggaam, Sy kerk.
Hy hou dit in stand deur Sy werk.
Hy het eerste uit die dood opgestaan
en so die weg na die heelal gebaan. (Kol 1:18)

Versoening kom deur sy bloed,
want Hy het vir ons sondes vergoed.
Ja, deur Sy bloed aan die kruis
kan ons in vrede woon is Sy huis! (Kol 1:20)

Christus plus enige iets is dwaalleer (Kol 2).
Die geheim is Christus en is jy is Sy kind.
In Hom kan jy verborge skatte vind. (Kol 2:3)
Jy moet jou lewe op Hom bou
en in geloof op Hom vertrou. (Kol 2:6)

Pasop dat niemand julle mislei:
Christus plus iets anders is nie Hy. (Kol 2:8,19)
Feeste is ‘n skaduwee van wat sou kom.
Dit gaan eintlik alles net oor Hom. (Kol 2:16-17)
As julle werklik Christus in julle het,
vergeet van die godsdienstige wet. (Kol 2:20)

Die lewe van ‘n nuwe mens (Kol 3 en4).
As jy in sy opstanding glo,
strewe na die dinge daarbo.
Vergeet die aardse dinge en pyn –
jy gaan eendag saam met Hom verskyn. (Kol 3:1-3)

Jy moet die sondige dinge wen (Kol 3:5)
en meer en meer jou Skepper ken. (Kol 3:10)
Jy is nou God se uitverkore kind, (Kol 3:12)
laat liefde julle onderling bind. (Kol 3:14)

Die boodskap vir Christus moet in jou bly,
maar maak ook seker dat ander dit ook kry.
Sing psalms en gesange tot God se eer
en doen alles in die naam van die Heer. (Kol 3:16-17)

Waak en volhard dankbaar in gebed
en bid dat Hy nog mense sal red. (Kol 4:2-3).

Ma

with No Comments

O Vader, ek wil U lof besing,
U dade vul my met verwondering:
U het my gevorm nog voor ek kon leef,
in my ma se skoot my aanmekaar geweef (Ps 139:1-2)

As moeder was sy aan U getrou
en het my met U liefde toegevou.
Ja, U groot liefdesgebod o Heer
is wat ek deur haar kon leer.

As ma het sy onbaatsugtig gedien,
daardeur kon almal die Evangelie sien.
“Maak dissipels van almal rondom jou”
is deur haar voorbeeld in my are ingebou.

O Here ek wil U dan nou vra,
al hoor ons haar in swaakry nie kla,
dat U haar in U liefde toe sal vou,
want sy was al die jare as ma getrou!

1 16 17 18 19 20 21 22 23